Galicia Tic 2004
GALICIATIC nace co fin de constituír o foro de referencia sobre tecnoloxías da información e comunicacións en Galicia, e as súas aplicacións no mundo da empresa.
GALICIATIC estrutúrase como un congreso baseándose en conferencias plenarias a cargo de relatores de relevancia internacional, paneis temáticos liderados por empresas significativas do sector, e debates sobre os temas relacionados de máis actualidade, ademais de encontros sectoriais entre os denominados sectores tradicionais e "clusters" empresariais, cada vez con máis protagonismo no ámbito económico e social da nosa C.A. Ademais e para facilitar o encontro entre provedores e demandantes das TIC, Galiciatic dispón adicionalmente dunha área de exposición con 1.300 m2 de capacidade no Pazo de Exposicións e Congresos de Santiago de Compostela. Esta situación, en razón da mellor comunicación e situación central da Capital de Galicia, facilitará a asistencia dende todos os puntos de Comunidade Autónoma.
GALICIATIC ten un carácter marcadamente profesional e empresarial, en especial orientado ás Pymes galegas, xa sexa xeradoras ou consumidoras das TIC. As pautas estratéxicas responden aos obxectivos seguintes:
. Realización dun certame congresual sobre as TIC, e con posibilidade de exposición limitada de deseño estandar . Co financiamento mixto público/privada, mediante achega das institucións promotoras e empresas (patrocinios) . Colaboración de institucións empresariais e profesionais galegas como EGANET ou FEGADAI e outras de ámbito nacional como SEDISI; aproveitando experiencias e colaboración directa como a do Internet Global Congress (IGC), iniciativa da Fundación Barcelona Digital, de forma que se poida contar con figuras internacionais de recoñecido prestixio en Galiciatic . Implicación das empresas galegas a través das súas Asociacións e Cámaras de Comercio . Implicación das Universidades a través de FEUGA e outros órganos de intermediación (OTRIS, Fundacións, Institutos Tecnológicos....) . Realización dunha ampla campaña de difusión e promoción que da coñecer as principais características do evento.
Pode descargar o programa no seguinte link.
DESCARGAR
