As TIC e o reto da competitividade
Benvidos a Galiciatic 2009.

O próximo 8 de outubro no Centro Social Caixanova de Vigo, celebraremos a VII edición de Galiciatic, que dende o ano 2003 constitúe a principal cita anual en Galicia no mundo profesional e a empresa do sector TIC.

O "reto da competitividade" fundaméntase en gran parte no rendemento das organizacións, seu análisis e a xestión eficiente dos procesos de negocio. En tempos complexos como os que vivimos, as organizacións deben mobilizar e rendibilizar todos os seus recursos dispoñibles, e aplicalos do xeito máis eficiente ao logro dos seus obxectivos. A xornada que presentamos daranos importantes claves para a xestión do rendemento corporativo, a través do desenvolvemento de conferencias e paneis temáticos nos que se darán a coñecer novos conceptos, ferramentas e casos de éxito no devandito campo.

Contamos nesta edición, cunha presenza activa da Xunta de Galicia, que como organización pública e social, xestiona de xeito eficaz algún dos seus máis importantes servizos, como é o de saúde, a través de aplicacións de seguimento e xestión. Conferenciantes de recoñecido prestixio, introducirannos nos últimos avances e logros na materia, así como nas tendencias futuras de Business Intelligence como clave para unha mellor xestión do rendemento asociada ás múltiples dimensións dunha organización e os seus procesos de negocio.

A través de 2 paneis de experiencias prácticas e casos de éxito presentados polos propios usuarios e posterior debate, tratarase de como se utiliza a información para a xestión do rendemento nas organizacións, e de como optimizar a implantación e o uso de ferramentas BPM e BI/CPM en distintos modelos de negocio.

Como complemento, Galiciatic ofrece la posibilidad de experimentar el desarrollo de una plataforma BI y BPM a través de 2 talleres para un número limitado de profesionales.

Por todo isto, recoméndovos que poñades na vosa axenda esta importante cita.

Miguel Merino, director de Galiciatic.