GaliciaTIC, ademais, organizara por
segundo ano consecutivo e tras o éxito colleitado en 2022 a súa Feira de Emprego.
Trátase dun programa específico que ten como obxectivo a captación de talento po
parte das empresas do sector entre o alumnado de universidades, escolas de
negocios e FP.
Participarán 16 empresas das TIC (Imatia
Innovation, Optare Solutions, Edisa, Ednon, Nunegal Consulting, Grupo GBTEC,
Minsait, Balidea, Marine Instruments, Gdoce, Appentra Solutions, Cloud Factory,
Grupo Tesalia, Clarcat Cantábrico, Inetum y el Instituto Tecnolóxico de Galicia)
e asistirán máis de 200 estudantes. As empresas ofrecerán charlas e terán stands
todo o día.
Apertura
e Intelixencia Artificial
O Auditorio 177 do Edificio Cinc acollerá
ás 9.30 horas o debate inaugural. Baixo o lema do Crecemento e o talento dixital
en Galicia: Retos e tendencias de futuro para o Sector TIC, o encontro
reunirá a Miguel Rodríguez, director da Área Sociedade Dixital da Axencia para
a Modernización Tecnolóxica de Galicia (Amtega); Lourdes Guerra, presidenta de
INEO; Carlos Suárez, director de Edisa, Fernando Vázquez, CEO de Imatia e a
Miguel Merino, director de GaliciaTIC, que será o moderador.
Xa ás 10.00 horas, terá lugar no mesmo
recinto a conferencia inaugural que, este ano, tratará sobre o Impacto da Intelixencia
Artificial nas organizacións. Correrá a cargo de Francisco de los Santos, da
consultora tecnolóxica Gartner.
Mesas
temáticas e grupos de traballo
Ao longo
da xornada, sucederanse diversas mesas temáticas no auditorio 177 do Edificio Cinc
para abordar asuntos como o 5G e os novos servizos dixitais, o impacto das TIC nas
operacións loxísticas industriais ou a intelixencia artificial xenerativa.
Ás 13.00
horas celebrarase a exposición xeral das conclusións de cara ao futuro acadadas
polos grupos de traballo impulsados por GaliciaTIC e que levan semanas analizando
os retos do sector desde tres grandes áreas temáticas: Intelixencia artificial (panel
encabezado pola presidenta de INEO, Lourdes Guerra Fornos); Internacionalización
(grupo liderado polo director de marketing de Quobis, Iago Soto) e o emprendemento/StarUp
(encabezado por Óscar de Miguel Bandín, da Asociación Startup Galicia).
Webinar
GaliciaTIC
organizará dous webinar. O primeiro, ofrecido por Celia García, de Leyton,
versará sobre os incentivos fiscais na innovación e no desenvolvemento TIC. O segundo
centrarase no programa do Kit Digital e os servizos que ofrece a Oficina
Acelera Pyme de INEO para impulsar a transformación dixital.
Sobre INEO
A
Asociación de Empresas de Tecnoloxía de Galicia é a patronal do sector das
tecnoloxías da información, comunicación e electrónica en Galicia (Teic). Está
conformada por máis de medio cento de empresas e é a entidade encargada de
velar polos dereitos e intereses do sector.
INEO,
para la organización del GaliciaTIC, conta este ano co apoio da Xunta de Galicia,
a través do Instituto Galego de Promoción Económica (IGAPE) e da Axencia para a
Modernización Tecnolóxica (Amtega), e tamén de entidades como Edisa, Imatia,
Orange, Leyton, Appentra, Balidea, Clarcat, Cuatroochenta, Conpas, Ednon, GBTEC, Gdoce,
Inetum, el Instituto Tecnológico de Galicia, Marine Instruments, Minsait,
Nunegal y Optare Solutions. Tamén colaboran Ayco, Gartner, la Oficina Acelera
Pyme de INEO, Oracle, Quobis e a Asociación Startup Galicia.